UNIDADE DIDÁCTICA SOBRE A PAZ DE ENTRECULTURAS

Paz y no_violencia_30_enero_0 de satelite1

DÍA DA PAZ NO CPI VIRXE DA CELA

     Comezamos esta xornada conmemorativa da Paz e da Non Violencia (martes 30 de xaneiro de 2018) coa visita do alumnado de 4º da ESO do CPI Virxe da Cela a todas as aulas do noso cole, repartindo entre profes e nenos/as os tradicionais adhesivos “Paz 18” e os folios vermellos que recollían o Manifesto Pola Paz, así como o símbolo da Paz. 

      Estas follas serían utilizadas pola tarde para recrear este impresionante círculo vermello “O Reto do Botón da Paz”, un pequeno xesto moi visual que pretende frear o conflito entre as grandes potencias EEUU e Corea do Norte. Esta acción foi o broche final a un acto no que todos os alumnos/as e profesores/as do centro reivindicamos o dereito á Paz Mundial a través da lectura dun manifesto e de varias poesías de poetas galegos: 

        Poema 1.- “Cantarola dos nenos”, de Xosé neira Vilas 

        Poema 2.- “O neno xabarín”, de Xosé Lois García 

       Poema 3.- “Ventos”, de Antonio García Teijeiro 

      Poema 4.-“Teño un corazón senlleiro”, de Celso Emilio Ferreiro 

   

      En resumo, esta xornada que estivemos a conmemorar baséase no principio de que todos –sen distinción de raza, ideoloxía, nacionalidade, lingua ou relixión- somos iguais, cidadáns da mesma terra e en consecuencia estamos e sentimos a chamada a ser máis humanos, a vivir a non-violencia e a traballar pola paz.

                    

MONFERO EN CLAVE FEMININA

       Dentro da materia de Igualdade de Xénero e en colaboración co Departamento de Orientación e Concello de Monfero, o alumnado que cursa a materia de Igualdade de Xénero, vai a realizar ao longo do ano, para concluílo e presentalo no último trimestre ao Concello e á propia comunidade educativa, un proxecto de investigación, que a parte de constituír o 50% da nota global da materia, acerca a realidade e o papel da muller no concello onde residen: Monfero. 

      O proxecto ten como obxectivos os sinalados anteriormente na materia pero ademais, mostrar e visibilizar a realidade das mulleres no entorno real dos alumnos e alumnas: os seus roles, as súas actividades de vida diaria, profesións, educación e formación, aspiracións, papel na familia, a valoración pola súa familia, parella, xefas e xefes, contorna, os estereotipos predominantes, as posibles situacións de trato e violencia, de discriminación ou non, etc. 

     Dentro do traballo do 1º bloque, entra a nosa visita o Concello de Monfero, e a entrevista feita polos alumnos da materia de Igualdade de Xénero, de 2º de ESO: Daniela, Hector Bouzeta e David Castrillón a Maica, (traballora social do Concello)que ademais de atender pacientemente e amablemente as nosas preguntas e aportarnos moita información, nos facilitou o II Plan de Igualdade de Oportunidades entre homes e mulleres, para poder traballar sobre el, e que nos facilita un amplo coñecemento sobre a realidade da temática que tratamos en relación o noso concello. Tamén pasou a saudar e deixarse entrevistar o Alcalde do Concello de Monfero. 

   Os nosos alumnos/a exerceron de pequenos repororteiros, con actidude critica e responsable, facendo non só pregreguntas axeitadas, se non tamén aportacións e opinións moi positivas e interesantes., que nos fixeron sentir moi orgullosas, sendo a experiencia moi positiva en canto a o seu comportamento e a opinión que nos transmitiron, sobre todo por coñecer de primeira man a realidade na súa contorna e de primeira man, a situación das mulleres.

CIBERMANAGERS PARA A IGUALDADE

     Motivado polo alto índice de machismo na nosa sociedade e o incremento do mesmo entre os adolescentes, o departamento de psicoloxía de PantallasAmigas*, avalado pola Consellería de Igualdade da Xunta de Galicia, pon en marcha o proxecto “Cibermanagers para a igualdade”, baseado na aprendizaxe servizo solidario. É un proxecto intensivo que se desenvolve no CPI Virxe da Cela, dentro do programa “Por 365 días de respecto e igualdade”, coordinado entre o departamento de Educación Física, a través da materia de libre configuración “Igualdade de xénero” e polo departamento de orientación, ao longo da semana do 29 de xaneiro ao 2 de febreiro e que consta de varias fases: 

 Fase 1. Formación xeral para os grupos de 2º e 3º de ESO durante dúas sesións, onde se trataron temas como: 

- Privacidade en internet. 

- Redes sociais e os seus riscos. 

- Igualdade e acoso na rede. 

- Ciberdelitos: ciberbullying, sextorsión e grooming 

Fase 2: Capacitación do grupo de voluntarios e voluntarias dos cursos 2º e 3º ESO. O proxecto parecéulles interesante a todo o alumnado e durante tres días documentáronse máis a fondo sobre os temas anteriores para elaborar un proxecto final que lles serviría para, a través da aprendizaxe entre iguais, informar e formar ao alumnado de 5º e 6º de primaria. 

Fase 3: De intervención. O venres, 2 de febreiro, dous alumnos e tres alumnas asumiron a responsabilidade de impartir a sesión e convertirse en “Cibermanagers pola igualdade” aos que poder acudir se alguén ten algún problema ou dúbida dos temas tratados e traballados durante todo o curso.

Reseña blog cibermanagers pola igualdade de satelite1

Virxe da cela fase3 de satelite1

VISITA IES CULLEREDO E AO IES CALVO SOTELO

     O 24 de xaneiro, o Departamento de Orientación organizou unha saída ao IES Universidade Laboral de Culleredo e ao IES Calvo Sotelo de A Coruña para que o alumnado da ESO puidese ver diferentes familias profesionais nos lugares onde se imparten. Talleres de mantemento e control de maquinaria de buques e embarcacións, soldadura, artes gráficas, carpintaría, entre outros. Os dous centros ofertan ademais residencia para estudantes, que tamén visitamos e nos demos conta de que “están mellor que algún hotel”: teñen ximnasio, salas Wi-Fi, limpeza diaria de habitación,… Moitas grazas ás persoas que nos acompañaron nas visitas!!

Visita ies culleredo a coruña xaneiro 2018 (1) de satelite1

MURAL DA PAZ 2018

PREPARACIÓN DO DÍA DA PAZ NO CPI VIRXE DA CELA

A unha semana da celebración do Día da Paz e da non Violencia, que se celebrará o vindeiro martes 30 de xaneiro, estamos a organizar un acto para esta xornada tan importante. Deixamos a continuación un pequeno guión do acto para que que sirva de información a toda a comunidade educativa: 

Data: martes 30 xaneiro 2018, de 15:30 a 16:00 horas
Lugar: Patio entrada de secundaria.

• Introdución. Presentación do acto a cargo dun alumno/a
• Compromiso a favor da paz a cargo dos nenos das diferentes etapas (Infantil, primaria e ESO) coa lectura de “Poemas pola paz”. (10 minutos)
       Poema 1.- “Cantarola dos nenos”, de Xosé neira Vilas
       Poema 2.- “O neno xabarín”, de Xosé Lois García
       Poema 3.- “Ventos”, de Antonio García Teijeiro
       Poema 4.-“Teño un corazón senlleiro”, de Celso Emilio Ferreiro
• Manifesto do centro polo Día da Paz. Alumno/a ESO (5 minutos)
• Remate. .Formando un círculo (Botón rojo) para sacar unha foto desde arriba (aula de tecnoloxía)

QUILÓMETROS DE SOLIDARIEDADE CON SAVE THE CHILDREN

      No mes de decembro de 2017 o CPI Plurilingüe Virxe da Cela (Monfero) participou na XIV edición de Quilómetros de Solidariedade, unha iniciativa de Save the Children para asegurar o futuro de milleiros de cativos e cativas en Sudán do Sur. Acabamos de recibir un diploma acreditativo da nosa participación, así como una carta de agradecemento da organización na que se acredita que a Fundación Save the Children recibiu do CPI Virxe da Cela a cantidade de 502,35 euros en concepto de doazón pola actividade Quilómetros de Solidariedade para que Save the Children continúe co traballo a favor da supervivencia infantil.

TAPÓNS PARA IAGO

      O pasado venres 19 de xaneiro achegouse polo noso centro un membro da asociación brigantina “ “As vellas non paramos” (https://www.facebook.com/asvellas/ ) para recoller un montón de caixas de tapóns de plástico que fomos almacenando nos últimos meses grazas á colaboración de toda a comunidade educativa. Estes tapóns serán destinados para axudar a un neno de seis anos que vive en Sada e que sofre parálise cerebral e que precisa unha atención especializada (fisioterapia respiratoria, fisioterapia neurolóxica e neuro rehabilitación).

RETO DO BOTÓN DA PAZ

OBRADOIRO CME: CAMPAÑA MUNDIAL POLA EDUCACIÓN

      Este ano participamos por primeira vez no Plan Proxecta “CME: Campaña Mundial pola Educación” (Xunta de Galicia), aínda que o noso centro leva case unha década apoiando e colaborando activamente na Campaña Mundial pola Educación, unha coalición internacional de ONGs, sindicatos do mundo educativo, movementos sociais e centros educativos coma nós que nos mobilizamos para garantir unha educación inclusiva, equitativa e de calidade. 

       O martes 16 de xaneiro de 2018 Miguel Rodríguez (técnico da CME) e Sandra Rodríguez (técnico Entreculturas) visitaron o noso centro e impartiron o primeiro dos catro obradoiros programados para este curso. A través de varias dinámicas moi divertidas (“O mentalista”, “Un planeta redondo”, etc) e do visionado de diferentes documentos audiovisuais (“Porque isto é África”) Miguel Rodríguez, Miki, fixo reflexionar ao alumnado de 3º e de 4º sobre a visión que temos no mundo e da posibilidade de entender o mundo doutra maneira diferente e alternativa. Este é o punto de inflexión para a partir de agora reivindicar o cumprimento efectivo do dereito humano á educación no marco dos Obxectivos do Desenvolvemento Sustentable (ODS) e do Marco de Acción pola Educación 2030.

1º obradoiro cme de satelite1

1 COLE, 1 NENO, 1 TANQUE DE AUGA

Carta campaña xxv aniversario de satelite1

Papiro nuevo sep2017 de satelite1

CHARLA DE DOAZÓN E TRANSPLANTES E CURSO DE RCP

      A intervención rápida ante unha parada cardio-respiratoria é vital para que os equipos de emerxencía poidan actuar e salvar vidas, e moitas veces, nós como parte presencial e activa desa intervención, necesitamos coñecer como actuar correctamente. Por esta razón e continuando coa programación iniciada o curso pasado, organizouse dende o departamento de Educación Física o Martes 9 de Xaneiro nunha xornada de formación de 2 horas e media de duración, en colaboración co CHUAC unha charla dirixida a todo o alumnado da ESO e 5º e 6º de educación primaria, dentro do “Programa de Divulgación en Doazón e Transplantes”.
       Na primeira sesión, impartida por Alejandro, enfermeiro do CHUAC e membro do equipo de Coordinación e Transplantes, vimos os aspectos básicos da Doazón de órganos. Na segunda sesión, despóis das pautas básicas teóricas sobre a RCP (Reanimación Cardiopulmonar) ensinou ao alumnado a realizar a maniobra de forma práctica. Toda unha experiencia que continuaremos dentro de este trimestre, coa formación básica para alumnado, dentro do Plan deportivo de centro a través do D. de E. física e dentro da programación da asignatura.

PAVANI

Estamos moi felices de recibir esta fotografía de Pavani, a nosa nena apadriñada na India a través da Fundación Vicente Ferrer. Sabemos que a nosa pequena aportación permite a esta nena cursar estudos e labrar un futuro mellor para ela e a súa familia, isto vainos contando nas súas cartas. Esta imaxe reflicte que tamén é una nena sana, alimentada, e vive nunhas condicións dignas. Alegrámonos todos e todas e damos os parabéns á Fundación por esta labor tan importante tratando de erradicar a pobreza e a desigualdade na India.

A FUNDACIÓN VICENTE FERRER

ÉXITO DO MERCADILLO DE COMERCIO XUSTO

     Con expresión de satisfacción posan os rapaces e rapazas de 1º da ESO que, voluntariamente, encargáronse das ventas no mercadillo de Comercio Xusto organizado no CPI Plurilingüe Virxe da Cela en decembro de 2017. Non é para menos, despois de estar varios recreos dedicados a este menester e chegados á hora do reconto… recadáronse 402’60 euros!!! Estes cartos foron ingresados na conta de Solidariedade Internacional Galicia, unha organización non gubernamental que vela pola xustiza e a equidade. O mercadillo de Comercio Xusto foi unha actividade para complementar a campaña navideña “No Nadal non te Consumas”.