jueves, 19 de octubre de 2017

O PROGRAMA TEI. TITORÍA ENTRE IGUAIS XA ESTÁ EN MARCHA.

Alumnos e alumnas de 5º de primaria convírtense en titores e titoras do alumnado de 3º primaria e os de 3º e 4º de ESO dos que empezan a etapa de secundaria co obxectivo de mellorar a convivencia e previr o acoso escolar.
Para iso, durante os meses de setembro e outubro tiveron lugar diferentes sesións informativas e de formación aos titores e titoras voluntarios, que no caso de primaria nos acompañaron algunhas familias no momento da entrega de carnés e diplomas e no caso do alumnado da ESO contou con dous alumnos do IES do Camiño (Palas de Rei), que nos contaron a súa experiencia como titores.
O alumnado de 5º de primaria e de 3º e 4º de ESO presentóuse como voluntario para titorizar aos máis pequenos polo que recibiron o correspondente carné e diploma que o acredita. O seguinte foi ir á aula dos titorandos (3º primaria e 1º ESO, respectivamente), facer as presentación e compartir as primeiras tarefas xuntos.













martes, 17 de octubre de 2017

17 DE OUTUBRO: DÍA INTERNACIONAL POLA ERRADICACIÓN DA POBREZA

Hoxe, 17 de outubro, celébrase o Día Internacional para a erradicación da pobreza. Con tal motivo a ONG Entreculturas publica unha unidade didáctica para traballar con rapaces/zas de entre 8 e 16 anos o concepto de desigualdade e as consecuencias que esta ten sobre as persoas a nivel global, explorando alternativas, roles e hábitos de consumo e participación que poden adoptar para contribuír ao deseño dunha contorna global máis xusta e equitativa.

martes, 10 de octubre de 2017

11 DE OUTUBRO: DÍA INTERNACIONAL DA NENA




O 11 de outubro conmemórase o Día Internacional da Nena e desde o CPI Virxe da Cela queremos facer eco desta data tan importante. Dos terzos dos nenos e nenas sen escolarizar viven en países ricos en recursos naturais, mais os seus gobernos adican menos dun 3% dos presupostos en educación. Ademais, varios destes países están en conflicto. As nenas que viven nestos países teñen menos posibilidades de ir á escola e unha tasa maior de abandono escolar, tanto en primaria como en secundaria. África Subsahariana, rexión na que se atopan dez destes países en conflicto, é tamén a rexión con maiores desigualdades de xénero. As nenas representan un 55% dos menores sen escolarizar e o 52% das adolescentes sen escolarizar. Entreculturas elaborou este interesante material didáctico para traballar nas aulas.


 

lunes, 9 de octubre de 2017

5 DE OUTUBRO: DÍA MUNDIAL DOS DOCENTES



Esta fermosa e metafórica "árbore do saber" ilustra unha conmemoración que queremos ter moi presente: O Día Mundial dos Docentes. Celebramos e destacamos a labor tan importante que os docentes xogan na educación unha data no calendario, o 5 de outubro, aínda que sabemos que cada día do ano é igualmente importante. Nesta ocasión o lema elixido é "ensinar con autonomía empodera aos docente". Moito ánimo e... adiante!!

sábado, 7 de octubre de 2017

SEMANA DA BIBICLETA NO NOSO COLE

O noso cole conmemora a Semana Europea dá Mobilidade con actividades relacionadas coa bicicleta, do 2 ao 7 de outubro. A iniciativa culminará mañá sábado cunha ruta cicloturística polo municipio, con saída de Serra dá Loba (16.30 horas).


martes, 3 de octubre de 2017

CAMPAÑA DE SENSIBILIZACIÓN PARA A RECOLLIDA DE ROUPA





O martes 3 de outubro apaces e rapazas de 4º da ESO percorreron as aulas do CPI Virxe da Cela para difundir a actividade da Campaña de Recollida de Roupa que organizamos no centro en colaboración coa organización Glorr. Transmitiron a todo o alumnado e o profesorado do centro a importancia de participar nesta actividade e repartiron circulares informativas para as familias. Tamén fixeron entrega dunha bolsa por neno/a para depositar a roupa e calzado. Lembrade que desde hoxe mesmo podedes depositar bolsas na entrada do edificio de secundaria. O prazo remata o día 23 de outubro, data en que a furgoneta da organización pasará polo noso colexio para recoller todas as bolsas. 


sábado, 30 de septiembre de 2017

viernes, 29 de septiembre de 2017

O CPI VIRXE DA CELA: 1º PREMIO PROXECTA DE INNOVACIÓN EDUCATIVA 2017







              

              
 O conselleiro de Cultura, Educación e Ordenación Universitaria, Román Rodríguez, presidiu hoxe o acto de entrega dos Premios Proxecta de Innovación educativa correspondentes ao curso 2016/ 17, que teñen como obxectivo consolidar e visibilizar a metodoloxía de traballo por proxectos que poñen en marcha os centros participantes no Plan Proxecta. Durante a súa intervención o conselleiro salientou o poder da educación e da formación para acadar as mellores oportunidades que nos brinda o tempo no que vivimos, “a fin de convertelas en novas posibilidades de crecemento económico e social”. Neste sentido, sinalou os Premios Proxecta como uns galardóns que contribúen a que o ensino se adapte ás expectativas futuras, dado que buscan incentivar o desenvolvemento de técnicas de innovación educativa, motivadoras, dinámicas e á vangarda. 

    Desta forma, estes galardóns recoñecen a traxectoria colaborativa e multidisciplinar dos centros, buscando integrar dinámicas que incentiven o emprendemento e a creatividade nas aulas, a formación en valores cívicos e sociais, o pensamento crítico, a xestión da diversidade e o traballo en equipo. Así mesmo, contribúen a preparar ao alumnado “para facerse oco nunha sociedade cada vez máis tecnificada”. O titular do departamento educativo da Xunta de Galicia agradeceu a todas as persoas que fan posible tanto o Plan Proxecta como os premios o seu esforzo diario e compromiso coa educación como ferramenta para mellorar o futuro. Así mesmo felicitou a docentes e alumnos polo traballo realizado, que serve de exemplo de boa práctica e axuda a avanzar ao conxunto da comunidade educativa. 

 Centros galardoados


Na categoría A, dirixida ás Escolas de Educación Infantil (EEI), aos Colexios Rurais Agrupados (CRA), aos Centros de Educación Especial (CEE), aos Centros de Educación Infantil e Primaria (CEIP) e aos Centros de Educación Primaria (CEP); o primeiro premio foi para o CEIP de Rubiáns (Vilagarcía de Arousa), o segundo para o CEIP de Laredo (Redondela) e os terceiros para o CEIP A Rúa (Cangas) e o CEIP Illas Cíes (Vigo). Nesta mesma categoría obtiveron un accésit pola calidade dos seus traballos os CEIP de Espedregada (Pontevedra), Plurilingüe Riomaior (Vilaboa), Plurilingüe San Marcos (Abegondo), Plurilingüe Curros Enríquez (Celanova), Xesús San Luís Romero (Carballo) e Plurilingüe San Xoán de Filgueira (Ferrol). 

Na modalidade B, destinada á participación de Centros Públicos Integrados (CPI), Institutos de Educación Secundaria (IES), Centros Integrados de Formación Profesional (CIFP) e centros públicos de educación e promoción de adultos; o primeiro premio foi para o CPI Plurilingüe Virxe da Cela (Monfero), o segundo para o IES Carlos Casares (Vigo), e os terceiros para os IES A Pinguela (Monforte de Lemos) e A Cachada (Boiro). Nesta categoría obtiveron accésit os IES Terra de Trasancos (Narón), Fontem Albei (A Fonsagrada) e Brión (Brión), o CIFP Coroso (Ribeira) e os CPI Plurilingüe Eusebio Lorenzo Baleirón (Dodro) e Terras de Maside (Maside). 



miércoles, 27 de septiembre de 2017

CAMPAÑA DE RECOLLIDA DE ROUPA GLORR 2017



Queridas Familias: 

      Monferosolidario quere un ano máis apoiar a campaña de recollida de roupa usada e calzado, a favor da ONG Glorr & Global Humanitaria, para asistir aos menores e familias que se encontran en situación de precariedade económica ou exclusión social no territorio nacional. Para isto visitaremos as aulas do noso centro presentando esta campaña aos nosos alumnos e repartindo esta nota informativa, así como as bolsas para depositar a roupa. A data límite de recollida será o luns 23 de outubro de 2017. As bolsas poderán depositarse nas entradas do centro escolar. Agradecemos a súa colaboración. 

 Monferosolidario, 27 setembro 2017 




lunes, 18 de septiembre de 2017

PREMIO LABORATORIO RADIOFÓNICO




Premer na imaxe superior para acceder á nota de prensa


«Este premio supone un respaldo a un proyecto en el que llevamos muchos años, por fin alguien lo valora de forma oficial, aunque el verdadero premio es el de poder seguir enseñando». Estas son as palabras de Lucía Abarrategui tras recibir un dos Premios Jóvenes Emprendedores Sociales (Universidad Europa de Madrid, co apoio da International Youth Foundation e Laureate International Universities). Desde o CPI Virxe da Cela queremos dar a noraboa a Lucía Abarrategui e a Sergio Pascual pola súa tenacidade. Son moitos os anos que levan desenvolvendo o seu interesante proxecto radiofónico, e todo o alumnado do noso cole pasou polos seus obradoiros. Moita sorte e... adiante!



https://www.lavozdegalicia.es/noticia/coruna/betanzos/2017/09/15/galardon-dos-locos-radio/0003_201709H15C7991.htm

sábado, 22 de julio de 2017

miércoles, 19 de julio de 2017

1º Premio Proxecta de Innovación Educativa 2017

Parabens a toda a comunidade educativa do CPI Plurilingüe Virxe da Cela polo 1º Premio acadado nos Proxecta de Innovación Educativa. Noraboa polo esforzo e por todo o traballo realizado durante o curso.Un logro conxunto de toda a comunidade educativa.


martes, 27 de junio de 2017

CONGRESO O FUTURO DA EDUCACIÓN

O día 3 de xullo de 2017 estaremos (Virxe DA Cela Monfero) na CNTG, no Centro de Novas Tecnoloxías de Galicia, en Santiago, no Congreso O Futuro da Educación.
Amosaremos as iniciativas do centro neste curso escolar:"Mediando con TIC para un proxecto educativo acorde coas necesidades contextuais e sociais"

Conferencias e obradoiros.con Manuel Díaz Regueiro, Xacobo de Toro e Inés Ben.


GEN10S Party en Madrid


Celebramos a segunda edición da GEN10S Party en Madrid, participando con máis de 100 nenos e ninas, de 5º e 6º de primaria, de 51 centros educativos de toda España.

viernes, 16 de junio de 2017

GRADUACIÓN ALUMNOS 4º ESO NO VIRXE DA CELA



Despois de varias semanas de traballo intenso, exames, estrés, chegou o momento máis desexado: o final de curso. E para o alumnado de 4º da ESO esta foi a derradeira xornada no CPI Virxe da Cela, despois de trece anos compartindo aula e pupitre... Ante estes marabillosos rapaces e rapazas preséntase unha nova etapa na vida, noutro centro educativo. Botaremos en falta os vosos sorrisos e a vosa alegría, e vos desexamos o mellor. E xa sabes...non dubidedes en pasarvos polo noso e o voso "cole" a facernos unha visita. Sempre será a vosa casa.

             

Aqui podedes ler os dicursos de despedida.





miércoles, 14 de junio de 2017

14 DE XUÑO, DÍA NACIONAL DAS LINGUAS DE SIGNOS ESPAÑOLAS

Hoxe  14 de xuño, queremos festexar o DÍA NACIONAL DAS LINGUAS DE SIGNOS ESPAÑOLAS (LSE) e amosar a presenza normalizada da LSE no ámbito educativo, en todos os niveis. Nel participan alumnado xordo e ouvinte, profesorado, intérpretes e mediadores comunicativos que forman parte dos centros educativos de Galicia.
Os nosos compañeiros do CPI As Mirandas de Ares quedaron gañadores con este vídeo, do I Concurso "Cantamos con las manos"que convocou a Federación de Asociacións de Persoas Xordas de Galiza (FAXPG) para conmemorar este día. Aquí vos deixamos o vídeo que fixeron para conmemorar este día. Esperamos que vos guste!.


                   

lunes, 12 de junio de 2017

O VIRXE DA CELA NA GEN10S Party

Tres alumnos de primaria do noso cole xunto a súa profe Camino participan na GEN10S Party  que se está a celebrar hoxe 12 de xuño en Madrid.
A GEN10S Party  é un evento no que os equipos participantes mostran e comparten as súas propostas para resolver o reto de Xene1Os. En cada edición, proponse unha temática que convide os equipos participantes a reflexionar sobre a mellora dalgún aspecto da súa contorna social. A organización describirá a temática e engadirá un conxunto de restricións para dar complexidade ao reto.


A temática deste ano 2017  é: A loita contra o traballo infantil e o reto programar unha historia, unha historia interactiva, un videoxogo ou unha aplicación na que se aborde a problemática dos nenos e nenas que son obrigados a traballar (no campo, nunha fábrica, etc.)
A xornada concluirá con talleres de innovación tecnolóxica dirixidos aos nenos e nenas participantes.
Moita sorte aos rapaces do noso cole e a súa profe Camino que están nestes momentos gozando da experiencia en Madrid.

viernes, 9 de junio de 2017

PRACTICAMOS IOGA

"Practicamos ioga nas aulas de infantil e 3º de primaria!!"

O ioga para nenos pode ser unha boa opción para unir xogo con relaxación, concentración e equilibrio.
Orixinario da India, a palabra ioga significa 'unión', unión primeiro cun mesmo (o neno atópase con si mesmo, aprende a coñecerse a si mesmo), e despois cos demais (os pequenos aprenden a relacionarse e comunicarse coa súa contorna).
O ioga é unha actividade recomendada para todos os nenos e nenas. A procura do equilibrio e a harmonía constitúe unha boa base para que, no futuro, os pequenos gocen dunha vida adulta alegre e saudable. Tanto para o neno inquieto ou activo como para o tímido ou vergoñoso, o ioga axuda a canalizar a súa enerxía e reafirmar a súa autoestima. Axudará aos máis activos a aprender a relaxarse e concentrarse máis, mentres que tamén fomentará que os nenos máis calados perdan o seu medo ante os demais e ábranse ao universo que lles rodea.

Aquí vos deixamos unas fotografías das nosas sesión de ioga.






jueves, 1 de junio de 2017

OBRADOIRO DE MEDIOAMBIENTE CON ABEL

Este martes 30 de maio tivemos a visita de Abel que veu dende Entreculturas a darnos un obradoiro de medioambiente.  Como todos sabemos, este ano o lema de Entreculturas é “Un mundo de alternativas para sanar a terra”, e que mellor que dende a escola para comezar cos nosos pequenos actos a contribuír a tal fin. Así que poñéndonos mans a obra, realizamos un obradoiro para facer papel reciclado, aínda que Abel quedou abraiado xa que os nosos alumnos tiñan máis que sabido como se reciclaba o papel. No noso cole o levamos facendo dende hai ben de tempo xa que é unha das nosas actividades para colaborar no rastro solidario, no que poñemos á venda as láminas de cores de papel  reciclado que os nosos alumnos e alumnas fan na clase de ciencias. Aínda así, aprendemos con Abel outra maneira de secar a pasta de papel, que difería un pouco da nosa técnica. Logo fixemos unhas dinámicas en grupo coas que pasamos un rato ben divertido e como colofón á xornada, un chiculate con galletas. Pasámolo xenial!!!

                                           Grazas a Abel e a Entreculturas  pola xornada de onte.


VISITA DE LANCY DODEM, FUNDACIÓN VICENTE FERRER

Un curso máis recibimos con ledicia a visita de Lancy Dodem ao CPI Virxe da Cela. Veu acompañado, como xa é  habitual, pola nosa entrañable amiga coruñesa Yolanda Ferrer, representante da FVF na cidade herculina. Os nenos e nenas o recoñeceron ao instante, e pouco a pouco fumos comprobando todos os detalles que lembraban da India a raíz de anteriores visitas. De novo prestaron moitísima atención ás explicacións de Lancy e abriron xunto a el o paquete que nos trouxo da India procedente da Konampalli School, coa que levamos a cabo un proxecto de intercambio cultural. Os rapaces de 6º leron ao resto dos nenos e nenas o contido  do libriño que viña no paquete  e visionamos logo un interesante video que Lancy  nos trouxo da India. Despedimos a Lancy cun forte aplauso e convidámolo a visitar de novo a nosa casa para o vindeiro curso académico.








domingo, 21 de mayo de 2017

ENCONTRO FIN DE CURSO DA REDE SOLIDARIA DE XÓVENES DE ENTRECULTURAS

Este sábado 20 de maio case que un centenar de persoas, entre alumnos/as, profesores/as, voluntarios/as e técnicos/as de Entreculturas reunímonos en Santiago no colexio San Francisco Javier nunha xornada lúdico-festiva na que houbo actividades moi divertidas e variadas: presentacións, bailes, xogos...amenizados polos infatigables Abel e compañía. Gozamos tamén da actuación do xoven mago David Maestro que nos deixou abraiados a todos cos seus números de maxia e visionamos os vídeos feitos polos rapaces e rapazas da rede sobre a reciclaxe de botellas de plástico que, como auténticos youtubers medioambientais, nos mostraron como podemos reciclar e coidar o medioambiente. Rematamos a xornada despedindo cun agasallo a todos os alumnos/as que rematan os estudos de 4º da ESO e bacharelato que viviron o seu último encontro... aínda que estades convidados a seguir formando parte da Rede, agora como voluntarios/as.

Aquí tedes un pequeno vídeo da xornada.

 


VÍDEOS YOUTUBERS AMBIENTAIS. RECICLANDO NO CPI VIRXE DA CELA.

sábado, 29 de abril de 2017

CONCURSO ESCOLAR ONCE: "TODOS SOMOS DIFERENTES, NON INDIFERENTES"


Baixo o lema “Somos diferentes, non indiferentes” os alumnos e alumnas do CPI Plurilingüe Virxe da Cela de Monfero e do CPI As Mirandas de Ares, uniron esforzos para elaborar e realizar  unha serie de vídeos para o Concurso Escolar Once.  Este ano desde a ONCE pretendeuse que o alumnado desenvolvese un modelo de convivencia baseado nos valores cívicos como o respecto, tolerancia e igualdade, aprendendo a tratarse asertivamente e previndo modelos xerarquizados de acoso escolar ou bullying.
Na convivencia non ten cabida o sufrimento, o rexeitamento ou a pasividade, convivir é abrir a porta ao encontro cos que nos rodean, estar dispostos a escoitar, empatizar e impregnarnos das súas vivencias. Este concurso quere contribuír a sensibilizar á comunidade educativa, especialmente ao alumnado, da importancia de convivir democraticamente con todos aqueles que nos rodean. Todos somos dignos de ser recoñecidos (non ignorados) e tratados con respecto dadas as nosas diferenzas (étnicas, sexuais, por razón de discapacidade, relixiosa...).

  Ante o acoso,  “Todos somos diferentes, non indiferentes”

Aquí podedes ver os vídeos realizados.







viernes, 28 de abril de 2017

NO NOSO COLE PEDIMOS A PALABRA POLA EDUCACIÓN (SAME 2017)

No noso cole levantamos a man e pedimos aos gobernos o cumplimento dos ODS(Obxectivos de Desenvolvemento Sostible) e sobre todo reivindicamos que todas as persoas do mundo teñan acceso á educación e que todas as nenas e todos os nenos terminen os ciclos do ensino primario e secundario, que debe ser gratuíto, equitativo e de calidade.