NESTE NADAL AS ESCOLAS SEGUEN ILUMINANDO O MUNDO

Así o afirma Entreculturas, unha organización que centra o seu traballo no eido da educación para o desenvolvemento. O CPI Virxe da Cela constitúe un minúsculo punto nesa inmensa rede das escolas do mundo, que tratando de estar conectadas, chegaremos a construír unha fermosa guirnalda para iluminar o camiño de milleiros de nenos e nenas.

 

FLORIDARIA EN NADAL

Eiquí amosamos unha fotografía do crecemento e evolución de Floridaria, aquela pranta solidaria autóctona de Monfero, que no Encontro da Rede Solidaria Entreculturas celebrada no CPI Virxe da Cela en novembro de 2011 repartimos entre todos os asistentes, para lembrar os momentos compartidos. Xa cun ano de vida podemos observar a evolución desta minúscula prantiña que estase a converter nunha fermosa árbore. Serán os coidados e os mimos de María José, a fan nº 1 de Monferosolidario, que rega este piñeiriño con abundantes doses de amor...

FELICES FESTAS DE NADAL

Felices Festas de Nadal para toda a comunidade educativa. Paz e Prosperidade para o vindeiro ano 2013. Desde Monferosolidario quixemos agradecer o enorme esforzo de cada unha das persoas que participaron activamente na Rede Solidaria Entreculturas decorando a nosa árbore de nadal con todos eses rostros que iluminan o camiño para o cambio.

OPERACIÓN QUILO 2012

En 2008 iniciamos a nosa colaboración coa Cociña Económica de Ferrol. “Operación Quilo: Solidarios coa Cociña Económica de Ferrol” é unha campaña bianual (Nadal 2008, 2010 e 2012), que ten a finalidade de sensibilizar á nosa comunidade educativa da existencia dun “Cuarto Mundo” moi cerca de nós. Recollemos alimentos e posteriormente os levamos a Ferrol, visitando as instalacións da Cociña Económica e recibindo unha charla sobre a historia e o funcionamento desta institución social. 

O alumnado de Atención Educativa de 1º da ESO (María, Diana, Paula, Andrea, Adrián e Aitor) visitarou as aulas do noso cole animando aos rapaces e rapazas a participar nesta campaña, xa que coa nosa pequena contribución poderemos facilitar alimento a tantas persoas que na presente situación de crise vense obrigados a acudir a un comedor social. Enviamos unha circular a todas as familias para facerlles partícipes desta actividade. Varios grupos de EI e EP foron coas súas titoras de "excursión" ao punto de recollida de alimentos, que está situado próximo á biblioteca escolar, para depositar os seus paquetes de pasta, arroz, azúcar e outros alimentos non perecedeiros. 

PENSA COA PRENSA

O alumnado de 2º da ESO (na materia de Educación para a Cidadanía) e o de 4º da ESO (na materia de Ética) están a desenvolver un traballo de investigación-reflexión utilizando a prensa escrita. O proxecto denomínase "Pensa coa Prensa", e está inxerido dentro do programa de Prensa-Escola da Voz de Galicia. Aquí tedes algunhas das fantásticas propostas dos nosos rapaces/as, que se están a convertir en mozos e mozas máis críticos e responsables.

éTica pensa coa prensa 12 13 from satelite1

Dossier de noticias lucía otero from satelite1

Prensa antonio from satelite1

10 DE DECEMBRO. DÍA DOS DEREITOS HUMANOS

O 10 de decembro celébrase a promulgación na ONU da Declaración Mundial dos Dereitos Humanos. Este é un documento que se aprobou en París en 1948 e que foi suscrito pola Sociedade de Nacións Unidas coa intención de aunar un compromiso ético a favor da dignidade humana, sen ter en conta formulacións xurídicas ou partidistas. Actualmente fíxose máis fincapé na promoción dos dereitos económicos, sociais e culturais, incluído o dereito ao desenvolvemento e o dereito a un nivel de vida adecuado. Tamén prestouse máis atención á protección dos dereitos dos grupos vulnerables na sociedade, incluídas as minorías e os pobos indíxenas, e á protección dos dereitos dos nenos e da muller, incluída a eliminación da violencia contra o maltrato feminino e o logro dos dereitos iguais para as mulleres. 

Se premedes na foto seguinte poderedes acceder ao texto completo dos Dereitos Humanos. É un texto que está adaptado para poder traballalos na aula. 

            

MONFEROSOLIDARIO NA REDE DE CENTROS ESCOLARES SOLIDARIOS, DO PLAN PROXECTA

O pasado sábado 1 de decembro de 2012 as coordinadoras de Monferosolidario asistimos á xornada de formación inicial do Plan Proxecta, celebradas na Universidade Laboral (Culleredo). Cunha duración de 8 horas, estas xornadas de formación ofrecéronnos unha visión global dos obxectivos e liñas estratéxicas do Plan Proxecta, así como unha visión máis detallada dos 18 programas específicos que conforman este plan. O CPI Virxe da Cela é un dos seis centros galegos incluídos na REDE DE CENTROS ESCOLARES SOLIDARIOS, a través do noso proxecto Monferosolidario. Próximamente as coordinadoras de Monferosolidario reunirémonos co resto do profesorado do noso centro inscrito no Plan Proxecta para deseñar as liñas de actuación conxunta para desenvolver nos próximos meses, e así poder ir aumentando paulatinamente actividades que promovan a solidariedade, a participación e o compromiso a través das diferentes materias do currículo.

20 DE NOVEMBRO: DÍA DOS DEREITOS DA INFANCIA

 En 1956, a Asemblea Xeral de Nacións Unidas recomendou que se instituíra en todos os países un Día Universal da Infancia, que se consagraría á fraternidade e á comprensión entre os nenos e as nenas do mundo enteiro e destinaríase a actividades propias para promover o benestar dos nenos e nenas do mundo.

O 20 de novembro conmemórase a data en que a Asemblea Xeral aprobou a Declaración sobre os Dereitos do Neno en 1959 e a Convención sobre os Dereitos do Neno en 1989. Por iso, o 20 de novembro pasou a ser o Día Universal dos Nenos e as Nenas.

Os rapaces e rapazas de 1º da ESO a través do noso canal "Radio Monfero FM 3.9", realizaron un interesante programa sobre o Día dos Dereitos dos Nenos. Premede enbaixo para escoitalo, seguro que nos vos deixará indiferentes.

                                                 

CARTA DE AGRADECEMENTO DE ENTRECULTURAS

Non se fixeron esperar as palabras de agradecemento da ONG Entreculturas tras o éxito do XIV Encontro da Rede Solidaria, que tivo lugar o pasado sábado 10 de novembro de 2012 no IES Elviña (A Coruña).

Carta agradecemento entreculturas from satelite1

Visitade REDEC, a páxina web de Entreculturas. Alí atoparedes máis reportaxes sobre o Encontro.

http://redjovenes.redentreculturas.org/blogs/blog-de-galicia/xiv-encuentro-en-red-de-la-rede-solidaria-da-mocidade

FELICITACIÓN DE NADAL DA FUNDACIÓN VICENTE FERRER

Aínda que un tanto cedo, a Fundación Vicente Ferrer quere compartir connosco a alegría e a esperanza para o Nadal, enviando esta postal navideña. Con texto manuscrito de "arquivo", xa que podemos ver a sinatura do xa finado Vicente Ferrer, a familia Ferrer convídanos a visitar o seu proxecto na India. Nós agradecémoslles a súa invitación, e respostámoslles que aínda que sexa ben lonxe xeográficamente, a comunidade educativa do CPI Virxe da Cela síntese moi perto deles. Levamos xa con este catro anos traballando no proxecto School to School e cada vez son máis os coñecementos que temos da India e das súas xentes. Alí estaremos, cos nosos corazóns. Próximamente realizaremos unha postal colectiva e a enviaremos á India.

TAPÓNS PARA UNHA NOVA VIDA

ÉXITO DO XIV ENCONTRO DA REDE SOLIDARIA

 Queremos informarvos do enorme éxito do XIV Encontro da Rede Solidaria Entreculturas, celebrado no IES Elviña (A Coruña) o pasado sábado 10 de novembro de 2012. Temos que destacar a notable presenza do grupo do CPI Virxe da Cela de Monfero, xa que os 14 rapaces/as, acompañados polas dúas coordinadoras, constituíron o grupo máis numeroso do encontro.

Queremos agradecer a este grupiño de 13 rapazas e 1 rapaz por amosar o espíritu solidario e participativo que estase a xestar na nosa escola. A pesar da choiva, e o frío, impregnaron de calidez a esta xornada, regalando risas, bailes, compañeirismo, vitalidade, etc. Queremos dar os parabéns aos que saíndo ao escenario transmitiron o noso espíritu (Erea e Carla), difundindo as actividades que facemos no centro e compartindo a nosa axenda solidaria para este curso académico 2012-2013. Tamén aos que saíron a presentar os avatares realizados nos diferentes obradoiros (Antía, Sofía e Iago). Tamén agradecemos as aportacións de Cintia e Lucía, que formaron parte dun grupo-piloto nunha dinámica especial programada para un proceso de avaliación da rede. A todos os veteranos/as por continuar ano tras ano na Rede, e a todas as novas fichaxes por dar ese paso que esperemos sexa tan só o primeiro dunha longa traxectoria. Aí vai a lista do grupo de monfero. Gracias a todos vós por acompañarnos:

Rebeca Freijomil Vázquez (1º ESO)

Silvia Mº roca Deibe (1º ESO)

Nerea Couceiro Gómez (1º ESO)

Laura Muíño Méndez (2º ESO)

Cintia Grueiro Buján (2º ESO)

Erea Fernández Lence (2º ESO)

Sofía Pena Freire (2º ESO)

Antía Gómez Ramos (2º ESO)

Alba Amenedo Picallo (2º ESO)

Silvia López Villasenín (3º ESO)

María Fraga Tizón (3º ESO)

Iago Vázquez Cagiao (3º ESO)

Lucía Otero Rodríguez (4º ESO)

Carla López Basteiro (4º ESO)

• Impresionante a enerxía de Abel e o seu grupiño de +18, que nos mantiveron de pé brincando e bailando, dinamizando a festa e contaxiando enerxía.
• Fantástica a actuación do grupo de percusión senegalesa de música "mandinga", que a través da música, que é unha linguaxe universal, ofrecéronnos unha divertida e artística lección de "interculturalidade".
• A Celsa e ao grupiño de alumnos/as do IES Elviña, porque grazas ao seu esforzo e ao seu traballo poidemos utilizar as instalacións do seu centro para realizar o encontro. 
• A todo o resto dos coles da rede: en cada encontro estamos desexando reunirnos convosco, afianzando os lazos de amizade.
• A Sandra e José Luís, porque sen o voso esforzo non existiría a Rede en Galicia.
• A María José, a fan número 1 de Monferosolidario, que sempre nos acompaña nos encontros e colabora de voluntaria en todas as tarefas.
• Parabéns á empresa de buses " A Capela", xa que a conductora sorprendeunos polo seu dinamismo e sentido do humor. Non lembramos un traxecto tan divertido no bus, cos seus comentarios a través do micro. Por certo, gracias María pola interpretación na frauta, e impresionante o programa de radio retransmitido por Iago, no que con grande retranca esbozaches a plantilla de profesorado do CPI Virxe da Cela. 

Próximamente publicaremos un album de fotografías deste fantástico encontro. 

PROGRAMAS DE VOLUNTARIADO PARA CENTROS ESCOLARES

A Dirección de Xuventude e Voluntariado pon a disposición de todos os centros escolares de Galicia no curso académico 2012/2013 os seguintes programas: Pasaporte Solidario Rede de Centros Galegos Solidarios O obxectivo de ambos os dous programas é promover valores de solidariedade, participación, compromiso social e voluntariado entre a comunidade educativa (pais, nais, profesorado e alumnado), e favorecer que os escolares se comprometan como voluntarios, a través dunha metodoloxía activa e participativa que fomente o traballo en equipo e achegue o alumnado á realidade do voluntariado.

Clica na imaxe e visita a páxina web do voluntariado galego.

PROGRAMA APADRIÑA UN/UNHA NENO/A

A comezos do mes de novembro o alumnado de 4º da ESO elaborou unha taboa de pagamentos para determinar o número de alumnos/as e profesores/as que durante este curso escolar participarán no programa "Apadriña un/unha neno/a", da FVF. Por segundo ano consecutivo unha nena da India, chamada Pavani, terá acceso á educación, e deste xeito aumentarán as posibilidades de transformar no futuro a súa vida e a da súa familia, xa que as posibilidades de desenvolvemento no districto de Anantapur (A India) son moi reducidas por mor da pobreza. Estas posibilides van en aumento grazas ao traballo da Fundación Vicente Ferrer, que desenvolve proxectos en diferentes eidos: sanidade, educación, vivenda, etc. Mostramos un debuxo que acabamos de recibir da nosa nena Pavani, e esperamos en breves ofrecerlle unha resposta, elaborando unha carta de presentación dos seus novos/as "padriños/as" de Monfero:

Lucía Bouzón Díaz

Elisa Fernández Martínez

Sandra Fernández Rodríguez

Antonio González López

Lucía Otero Rodríguez

Natalia Rodríguez Iglesias

Kevin Rubianes Deibeç

Yaiza Seijas Abeal

Daniel Vázquez Coira

Oscar Vidal Couceiro

DIGNIDADE E PARTICIPACIÓN

O próximo sábado 10 de novembro de 2012, un grupiño de 14 alumnos/as, acompañadas polas coordinadoras de Monferosolidario, participaremos no XIV Encontro da Rede Solidaria de Entreculturas. Celebrarase no IES Elviña (A Coruña), un lugar moi especial para nós, xa que fai agora catro anos iniciábamos o noso primeiro contacto coa ONG Entreculturas participando dun primeiro encontro de principio de curso celebrado precisamente no IES Elviña. Tando para as profes como para os/as alumnos/as que tomamos parte nesa primeira experiencia da Rede Solidaria en Galicia, esa xuntanza significou o inicio dunha xa "longa traxectoria", cargándonos da enerxía e as ganas de compartir do resto de profes, rapazas e rapaces que conviviron connosco ao longo daquela inesquecible xornada. Sabemos que este próximo sábado voltaremos a reunirnos con todas esas persoas que tamén teñen ganas e ilusión para cambiar o mundo... aínda que só sexa un pequeno anaco. 

PROXECTO ONG´S

O alumnado da ESO do noso centro estivo a traballar sobre o papel que xogan as ONG´s no desenvolvemento humano dos pobos. A partir da información que foron recompilando elaboraron este dosier no que se incluen algunhas das ONGD máis importantes e as actuaciones que están a realizar, encamiñadas ao desenvolvemento de colectivos excluidos ou en risco de exclusión, así como a países ou comunidades necesitados de axuda e ao  desenvolvemento humano e sostible do noso planeta.

Aquí vos deixamos o dosier. Picade enriba del para velo en grande.

Open publication - Free publishing - More ong

ENTRECULTURAS NO CPI VIRXE DA CELA

A tarde do mércores 31 de outubro de 2012 tivemos a visita de Sandra Rodríguez, técnica da ONG Entreculturas. Son cinco xa os anos que levamos vinculados con esta ONG, co seu apoio incondicional desde o nacemento do proxecto Monferosolidario, alá no curso académico 2008-2009. Con Sandra únenos unha especial relación, xa non soamente profesional, senón que a estas alturas, de auténtica amizade. Sabemos que ademais do contacto habitual coas coordinadoras de Monferosolidario, trata cada ano de visitar o noso centro para falar cos rapaces e rapazas da ESO, tratando de afianzar o compromiso daqueles que xa están na Rede Solidaria da Mocidade Entreculturas, así como de facer novas fichaxes, eses nenos e nenas que comezan os seus estudos en 1º da ESO, e que serán a savia nova que alimente o proxecto. Acompañada por Xosé Luis Pastoriza (outra persoa clave para o éxito de Entreculturas en Galicia, e a quen tamén lle temos especial estima e agradecemos o seu humor e creatividade á hora de dinamizar calquera actividade), Sandra agradeceu en primeiro lugar a participación de todos aqueles alumnos e alumnas que contribuíron ao éxito do Encontro Zanmitay, celebrado no noso centro fai agora un ano, no que se deron cita casi 200 persoas, entre rapaces e rapazas e tamén docentes de toda Galicia. En segundo lugar convidou a todo o alumnado presente a participar no próximo encontro da rede solidaria, que terá lugar o vindeiro sábado 10 de novembro de 2012 no IES Elviña (A Coruña). Finalmente fixo a presentación oficial da fermosa campaña "A cadeira vermella" (La silla roja) que este ano Entreculturas lanza para concienciar á poboación do dereito á educación de máis de 61 millóns de nenos en todo o mundo que están sen escolarizar. Un grupiño de alumos/as de 1º da ESO axudaron a presentar esta campaña, indicando algúns dos obxectivos e adiantando algunhas das actividades que temos pensado levar a cabo na nosa escola para sensibilizar á nosa comunidade educativa. Seguro que vale a pena o noso esforzo... 

TEN SENTIDO SER SOLIDARIOS?

Algunha vez parácheste a pensar que é esto da solidariedade? Ser solidarios é participar nas diferentes actividades que plantexamos a través de Monferosolidario, pero a acción sen reflexión non ten sentido. Por un momento imos parar, sentarnos tranquilamente e poñer orde aos nosos pensamentos. -Ten sentido ser solidarios? -Podemos cambiar o mundo coas nosas pequenas intervencións? -Poñemos en práctica as nosas aprendizaxes na vida diaria, coa nosa familia, os nosos amigos, etc. -Que opinas daquela xente que ante as inxusticias non fai máis que virar a cara para outro lado? Estas e outras preguntas darán pé a unha pequena reflexión, seguramente moi rica e interesante. Esmerádevos nas vosas redaccións, xa que do papel pasarán ás ondas radiofónicas e chegarán aos oídos da poboación a través do programa "A Fenestra Solidaria", de Radio Fene.

A VOZ DE MONFEROSOLIDARIO NAS ONDAS DE RADIO FENE

Grazas, Conchi Ramil, por ofrecernos o teu programa radiofónico "A Fenestra Solidaria" para dar voz a Monferosolidario. Como ben dicías na entrevista, é moi importante difundir experiencias constructivas e positivas, para combatir este momento de pesimismo que nos está a envolver. Esperamos que a nosa próxima visita a Radio Fene sexa sendo acompañados por algúns mozos e mozas do CPI Virxe da Cela, xa que eles son os auténticos protagonistas do proxecto Monferosolidario, e nas súas mans está a posibilidade do cambio. Noraboa polo teu programa, que nunha hora semanal serve como plataforma para colectivos e individuos que pensamos que ese cambio é posible, a través de accións de maior ou menor envergadura. Recordando as túas palabras, xa tomadas de Teresa de Calcuta: "o océano non está completo se falta unha desas gotiñas de auga". Moito ánimo e moita forza para continuar esa labor tan activista, non só a través das palabras difundidas nas ondas radiofónicas, senón co teu esforzo e suor en todos eses proxectos nos que estás colaborando. Esperamos que algún día poidas visitar o noso centro e contar a túa propia experiencia persoal, tan rica e coherente, no eido da solidariedade.
Grazas. Verónica Dopico e Yolanda Castro.

           Programa de radio A fenestra Solidaria

                                                     

MOCIDADE CRÍTICA E RESPONSABLE NO CPI VIRXE DA CELA

Como resposta á convocatoria e posta en acción de apoio á folga xeral estudantil do 16, 17 e 18 de outubro de 2012 convocada polo Sindicato de Estudantes en colaboración con CEAPA e outras organizacións, pretendemos o grupo de alumnado de 4º da ESO do CPI "Virxe da Cela" facer oir a nosa voz a través da nota de prensa que se adxunta e do manifesto tamén achegado. O número de alumnado do noso colexio é moi baixo (12 persoas integramos o grupo de 4º da ESO) polo que nunca hai repercusión destes eventos, desta vez pretendemos que iso cambie na medida do posible. Xa que a cotío traballamos en Monferosolidario co obxectivo dun mundo máis xusto e no que os dereitos humanos se respecten, esperamos que tal como nós como alumnos/as nos posicionamos en nome de Monfero e Irixoa, solidarios coas reivindicacións do Sindicato de Estudantes e conscientes dos motivos desta folga, Monferosolidario tamén sexa partícipe do manifesto de manter os nosos dereitos e unha educación pública de calidade.

Atte. Antonio González

Manifesto4ºeso c.p.i. monfero from Yolanda Castro López

EDUCAR PARA A CIDADANÍA GLOBAL

"Educar para a cidadanía global: discursos, ferramentas e experiencias para o cambio social" é o eixo que articulou as I Xornadas Galegas de Educación para o Desenvolvemento, que tiveron lugar na Facultade de Matemáticas da USC entre os días 19 e 21 de outubro de 2012. Organizadas pola Universidade de Santiago de Compostela, a Coordinadora Galega de ONG para o desenvolvemento e a ONG Intervida, estas xornadas supuxeron un éxito e un punto de partida, que esperemos den os seus froitos en futuras edicións. Verónica Dopico e Yolanda Castro, coordinadoras do proxecto Monferosolidario, tiveron ocasión de presentar esta proposta de educación en valores que estase a realizar no CPI Virxe da Cela, no marco de experiencias e boas prácticas de educación para a cidadanía global en Galicia, xunto coas propostas do CRA de Ponteceso, o IES Carlos Casares de Viana do Bolo, o IES Campo de San Alberto de Noia, a EPAPU do Centro Penitenciario de Teixeiro, e ESF de Enxeñería Sen Fronteiras da Universidade da Coruña. Ademáis da presentación de estas experiencias de centros educativos, estas xornadas ofreceron un marco teórico, de reflexión e de debate, abordando as temáticas da Aprendizaxe-Servizo, a Educación Popular, o poder da educación para transformar a sociedade, a diganose da educación para a cidadanía global en España, os procesos de Sistematización e Avaliación, etc.

VISITAMOS A EXPOSICIÓN DA FVF NA CORUÑA

O pasado venres 5 de outubro visitamos a exposición "Mulleres: a forza do cambio na India", albergada nun curioso camión que durante cinco días estivo aparcado nos xardíns de Méndez Núñez, na Coruña. Os rapaces e rapazas de 2º, 3º e 4º da ESO, repartidos en dous turnos, escoitaron as explicacións de Georgina Salvador, quen amosou a vida de sete mulleres da India que están a servir como motor de cambio e de transformación na India. Sete exemplos que ilustran os diferentes proxectos que a Fundación Vicente Ferrer está a desenvolver na rexión de Anantapur.

• Hemmavathi está a construír a súa propia casa
• Yellama ten unha discapacidade e é artesana
• KIanthamma está a emprender o seu propio negocio
• Nagamma é a lideresa comunitaria
• Vani loita contra o VIH
• Durgamma é maestra
• Likita está a formarse para ser inxenieira

MULLERES: A FORZA DO CAMBIO NA INDIA

Este é o título da exposición itinerante da Fundación Vicente Ferrer, e está centrada na labor da FVF a través da mirada de sete mulleres da India rural. A exposición está albergada nun camión indio que vai percorrendo un total de 24 cidades españolas. O xoves 4 de outobro chega á Coruña, sendo ás 12:00 horas a súa inauguración oficial, nos Xardíns Méndez Núñez. Desenvolveranse actividades paralelas, como as conferencias impartidas o xoves 4 ás 19:00 no Centro Cultural Novacaixagalicia, coas intervencións de Rosa Lousa, Fundadora e propiataria de Pasndelino Bakery Shop, Montse Ortiz, coordinadora de Sensibilización da FVF e experta en cuestións de xénero e Cruz Iglesias, especialista en bioconstrución e profesora da Escola Universitaria de Arquitectura Técnica. Tamén no Centro Sociocultural Novacaixagalicia visionarase a película "Agua" de Deepa Metha, o sábado 6 de outubro ás 18:00 horas.

 

ENCONTRO NACIONAL DE ENTRECULTURAS NO ESCORIAL

As cordinadoras de Monferosolidario reunímomos con outros docentes e voluntarios da ONG Entreculturas no Encontro Nacional que tivo lugar no Escorial os días 28, 29 e 30 de setembro. Durante estes días tivemos unha apretada axenda, asistindo a charlas, realizando obradoiros, e por suposto, deixando algún tempo para actividades máis lúdicas, como un divertido concerto de Miqueli e unha festa gastronómica degustando produtos típicos das diferentes comunidades autónomas. Entreculturas aproveitou esta xuntanza para facer o lanzamento da súa campaña "A cadeira vermella", encamiñada a buscar o respaldo para acadar algún día a escolarización deses 61 millóns de nenos e nenas que non teñen a oportunidade de asistir á escola. 

UNHA CADEIRA VERMELLA, POLO DEREITO Á EDUCACIÓN

Cada ano setembro convértese no mes no que millóns de nenos e nenas volven encher as aulas dos colexios. Na nosa sociedade, nas nosas familias, a volta ao cole é un acto cotián ano tras ano.

 Con todo aínda hoxe en día hai 61 millóns de nenos e nenas no mundo sen escolarizar. Estes nenos e nenas ven vulnerado o seu dereito á educación, recollido en numerosos tratados internacionais. Ademais, os beneficios da educación están ampliamente recoñecidos: a educación amplía o acceso a outros dereitos e favorece o progreso conxunto da sociedade, promove a liberdade e a autonomía persoal e xera importantes beneficios para o desenvolvemento das persoas. Así mesmo, a educación é un instrumento poderoso para reducir a pobreza e a desigualdade.

 Desde Entreculturas quérese dar visibilidade a todos eses nenos e nenas e aproveitar a volta ao cole para crear conciencia desta realidade.

A campaña  "A cadeira vermella", unha cadeira para 61 millóns de nenos e nenas que non poden ir ao colexio", anima a todos os colexios a colocar en cada unha das súas aulas unha cadeira vermella. Este elemento alerta de todos eses nenos e nenas que non poden ir ao colexio e que ven vulnerado o seu dereito á educación.

A educación é un dereito de todos os nenos e nenas do mundo. É un investimento de futuro que lles abrirá as portas a unha ampla gama de posibilidades de desenvolvemento ao longo da súa vida.