viernes, 25 de mayo de 2018

HOMENAXE DE DESPEDIDA A ÁLVARO E MARISA



No camiño da vida hai un lugar e un tempo para cada cousa, e polo propio desenvolvemento desta hai ciclos que se pechan, camiños que conclúen e outros que se inician. E hoxe de xeito moi especial queremos deternos nunha parte da nosa historia para agradecer e honrar o paso de Álvaro e Marisa que se despiden, deste o noso cole porque lles chegou a hora da xubilación. E que é a xubilación, pois a palabra xubilación ven de xúbilo, alegría, gozo que se experimenta cando fixemos  con dedicación e empeño unha acción, a de traballar con letras maiusculas. Todos desexamos que este descanso conquistado se convirta nunha nova etapa de paz e de maior liberdade para dedicarvos á construcción dun novo proxecto persoal. Non é fácil despedirse de dúas persoas como Álvaro e Marisa, pero é unha enorme satisfacción ter sido parte desta a súa historia. Sabemos que este non é un adeus, senón un ata logo e entusiásmanos saber  que sempre contaremos con vós. Por iso dicímoslles ata pronto. O cafeiño sempre estará listo, presto a recibirvos xunto a todos os que formamos a comunidade educativa do CPI Virxe da Cela, o voso cole.

                                                          Con todo o noso cariño.


VÍDEO DESPEDIDA
                 

O alumnado de música de 3º e 4º da ESO agasallou a Älvaro e Marisa con esta interpretación da canción "O son do ar" de Luar na Lubre.

                 





















miércoles, 23 de mayo de 2018

CARTAS PARA PAVANI

Aproveitando a visita de Lancy Dodem ao noso centro, o alumnado da ESO entregoulle ao primeiro neno apadriñado pola Fundación Vicente Ferrer (hoxe xa un adulto) un libriño con cartas dirixidas á nosa nena apadriñada Pavani. Estas cartas foron redactadas en inglés por rapaces e rapazas de 1º, 2º, 3º e 4º da ESO, e nelas explican os seus intereses, gustos, soños, etc. Espero que a nosa amiga Pavani poda aprender algo da nosa cultura e tradicións.

 

martes, 22 de mayo de 2018

CARTA DE PAVANI




Queridos padriños/as: Namaste! Envíovos un forte saúdo a través desta carta. Estudo 9º curso. Xa fixen os exames semestrais e espero sacar boas notas. As miñas asignaturas favoritas son o inglés, matemáticas e telegu. O 14 de novembro celebramos o "Día dos Nenos". Ese día organizo un programa de cultura e ganei o primeiro premio. Tamén os meus amigos mais eu fixemos unha obra de teatro titulada "As vodas precoces". Por iso os meus maestros felicitáronnos moito. Os meus irmáns están ben. Os meus pais traballan no campo. Envíovos moitos bicos e abrazos. Pavani.




VISITA DE LANCY DODEM, FUNDACIÓN VICENTE FERRER

Un ano máis o noso colexio recibe a visita de Lancy Dodem, o primeiro neno apadriñado pola Fundación Vicente Ferrer e que grazas ao apoio desta Fundación hoxe en día traballa como embaixador da FVF transmitindo aos rapaces e rapazas dos centros educativos a grande labor que se está facendo na rexión de Anantapur (A India). Acompañado por Yolanda Ferrer, fotógrafa coruñesa que dirixe a delegación da FVF na Coruña, pasearon polas instalacións da nosa escola, acompañáronnos nun xantar moi ameno no comedor escolar e posteriormente, en sesión de tarde, Lancy impartiu unha charla ao alumnado de educación primaria. Foi unha charla breve, seguida da proxección dun fermoso e esperanzador documental que relata a vida dunha nena na India, todo o cal provocou no noso alumnado unha grande curiosidade e abriuse un debate aberto e dinámico no que os nosos pequenos e pequenas levantaban constantemente as mans para lanzar interesantes preguntas. Lancy respondeu a cada unha delas tratando de explicar a cultura e as tradicións do seu país. Cando nos demos de conta... xa estaba a tocar o timbre!! Lancy, ata o vindeiro ano, quedámonos con ganas de seguir aprendendo sobre ese país tan curioso e atractivo!!



















martes, 15 de mayo de 2018

VIRXE DA CELA PARA KONAMPALLI SCHOOL



Os rapaces e rapazas da ESO do CPI Virxe da Cela saludan aos nenos e nenas da Konampalli School (A India). Levamos xa case unha década facendo un intercambio cultural e de tradicións con esta escola da India a través da Fundación Vicente Ferrer.

viernes, 4 de mayo de 2018

MARCHA POLA EDUCACIÓN EN SANTIAGO DE COMPOSTELA










    Tal como enfatiza o lema da Campaña Mundial pola Educación 2018, “A educación é o camiño cara a paz”. Despois do intenso traballo realizado nas aulas durante este curso académico chegou ao hora de visibilizar as nosas aprendizaxes a través dunha acción de incidencia política que tivo lugar o pasado xoves día 3 de maio de 2018 en Santiago de Compostela. Tras un acto oficial no auditorio ABANCA no que os alumnos e alumnas dos centros galegos participantes na CME amosaron o seu traballo, a mocidade lanzouse as rúas portando pancartas e cantando as súas consignas en dirección á praza da Quintana, onde foron recibidos por varios políticos: o Director Xeral de Centros e Recursos Humanos, Don José Manuel Pinal; a Subdirectora Xeral de Cooperación Exterior, Dona Pilar Romero; a Concelleira santiaguesa de Políticas Sociais, Diversidade e Cooperación, Dona Concepción Fernández e o Concelleiro santiagués de Educación, Cidadanía e Dereitos Humanos, Don Manuel Dios. 

    Ainhoa (3º da ESO) e Diego (4º ESO) foron os encargados de ler o Manifesto da Campaña Mundial pola Educación 2018 e posteriormente Sergio Torrado (4º ESO) formulou unha petición aos políticos solicitando o seu compromiso coa escola rural: Nós somos rapaces e rapazas de Monfero, unha pequena aldea do interior da provincia da Coruña. Estamos moi contentos de poder estar aquí representando a todos os mozos e mozas do rural. Sentímonos orgullosos da nosa escola, da nosa aldea, da nosa forma de vida e das nosas costumes. Queremos que os nosos fillos e fillas estuden no CPI Virxe da Cela, igual que o facemos nós e o fixeron os nosos país e nais. Pero sabemos que si os políticos non se toman moi en serio unha intervención no rural para conservalo y adaptalo aos novos tempos, a nosa escola acabará sendo un edificio abandonado, e cando veñamos da cidade a visitar aos nosos maiores, estará baleira igual que as casas e os campos… 

    Esperamos que as nosas palabras reivindicando unha educación universal, de calidade e inclusiva deixaran a súa pegada nas conciencias dos nosos políticos e que no futuro presenciemos avances e cambios, que os nosos esforzos teñan a súa recompensa.

 


lunes, 30 de abril de 2018

ESPECIAL RADIOFÓNICO: CIENCIA SOLIDARIA

Ciencia e solidariedade nun mesmo programa? Correcto, en Ciencia Solidaria celebramos os dez anos de Monferosolidario cunha das responsables, Yolanda Castro. Ademais, pasaron polo cole Margarita Vidal e Antonio Quintela, ACNUR para contarnos o seu labor humanitaria. E ciencia por que? Porque aproveitamos a semana da ciencia coa visita da profesora da UDC, Ana González e Lucía Mato, doutoranda. E, por suposto, os experimentos que fixemos da man e voz das nosas reporteiras invitadas Ariadna, Nerea e Andrea. Un programa feito polo alumnado de 4º de Primaria. Todo isto e máis en:

http://www.radioitinerantecreativa.blogspot.com

 

sábado, 28 de abril de 2018

OBRADOIRO SOBRE DROGODEPENDENCIAS PARA 2º ESO


A escola ten un papel importante á hora de fomentar nos adolescentes hábitos de vida saudables.
Desde o CPI Plurilingüe Virxe da Cela, co fin de desenvolver no alumnado a capacidade de asumir unha posición responsable ante o consumo de diferentes substancias e así poder adoptar libremente estilos de vida saudables, solicitamos a colaboración de Cruz Vermella de Betanzos, que durante catro sesións do mes de abril, o 3 e o 24, formou aos rapaces e rapazas de 2º de ESO sobre este tema.

Unha das actividades con máis éxito foi o “rosco de pasapalabra”.




Visita a FP Innova Galicia 2018


O 25 de abril visitamos o Congreso de Innovación na Formación Profesional que organiza a A Consellería de Cultura, Educación e Ordenación Universitaria na Cidade da Cultura de Galicia.
O alumnado de 2º, 3º e 4º de ESO puido gozar dunha magnífica ocasión para coñecer as posibilidades que ofrece a formación profesional a través da visualización en directo de diferentes proxectos de innovación e de proxectos empresariais de mini-empresas que institutos de secundaria e centros integrados de FP puxeron en marcha.

Ademais puideron experimentar en primeira persoa as novas tecnoloxías, coa participación nos obradoiros que se desenvolven de robótica (robótica colaborativa), impresión 3D (montaxe e funcionamento de impresoras 3D), electrónica, fabricación de drons, madeira, artes gráficas, estética, hostalaría ou industrias alimentarias.




martes, 24 de abril de 2018

WONDER: LA LECCIÓN DE AUGUST

August “Auggie” Pullman es un niño nacido con malformaciones faciales que, hasta ahora, le han impedido ir a la escuela.
El protagonista cuenta con el apoyo de sus padres y debe afrontar y superar el temor que siente. Con este filme, el director Stephen Chbosky, nos acerca el movimiento inclusivo que promueve que en la escuela se acepte la diversidad como algo normal y cotidiano, evitando la discriminación y facilitando la integración.




                                  Haz click en la imagen para descargar la ficha de trabajo

lunes, 23 de abril de 2018

XORNADA DE FORMACIÓN CME PARA PROFESORADO

Sábado 21 abril 2018. XORNADA DE FORMACIÓN CME PARA PROFESORADO












viernes, 20 de abril de 2018

A OUTRA CARA DA MOEDA


A outra cara da moeda é unha acción desenvolvida polo alumnado de 3º e 4º da ESO durante o último obradoiro da Campaña Mundial pola Educación (venres 20 de abril de 2018)

AGRADECEMENTO COCIÑA ECONÓMICA



ÚLTIMO OBRADOIRO CAMPAÑA MUNDIAL POLA EDUCACIÓN






Con este obradoiro realizado o pasado venres 20 de abril finalizamos a formación no Proxecta "Campaña Mundial pola Educación".  A modo de conclusión o alumnado de 3º e 4º da ESO fixeron un percorrido por todos os contidos e actividades traballadas ata o momento, encamiñadas todas elas a reflexionar e valorar a educación como motor de cambio. Finalmente, en pequenos grupos, deseñamos e levamos a cabo unha pequena acción na que estes xóvenes de Monfero e Irixoa sensibilizaron, denunciaron e difundiron propostas a través de diferentes vías e formatos. O vindeiro xoves 3 de maio asistiremos, xunto co alumnado e profesorado doutros centros galegos participantes no Proxecta CME, a un acto de mobilización onde esixiremos aos nosos gobernantes un compromiso serio para mellorar e garantir a educación de todos e todas. E como punto final deixamos a continuación as cariñosas palabras de Roi Gutierrez, resumindo o seu paso polo noso centro e as súas impresións máis persoais. Moitas grazas, Roi, e ata pronto!!

O pasado venres día 20 de abril foi a miña última visita dentro da CME 2018. Persoalmente, esta foi a miña primeira vez no CPI Virxe da Cela de Monfero e non podía ser máis acolledora. En AGARESO  percorremos todos os anos diferentes centros en Galicia, e cada un ten unha cousa que o fai especial, no caso de Monfero creo que é a calor. Explícome, porque o primeiro día que fun, alá por febreiro, nevaba polo camiño! Pero a calor sentina dende que entrei e fixen a primeira parada na aula de profesores, onde Yolanda e Verónica encargáronse de facerme sentir como en casa: cómodo e a gusto.

No CPI Virxe de Cela estase a gusto, estano as profesoras e tamén o alumnado. E claro, neste ambiente as persoas desfrutan e participan. Así, dende a primeira sesión a actitude dos rapaces foi de escoita, de atención e tamén de facer bromas, cando tocaba, ou de poñernos máis serios, cando tocaba tamén. Porque nas tres sesións que fun traballamos no activismo dende a conciencia e na conciencia dende a empatía. E para isto hai que saber pensar(se) e escoitar(se) e esta rapazada xa viña aprendida nestes valores.

A educación ten moitísimo poder, tanto que pode mover o mundo. E ese mundo xa comezou a moverse alí, no IES de Monfero, grazas a enerxía que se xera cada día. A que xeran alumnado e profesorado. Por iso foi tan cálida a miña chegada alí. Incluso nun día que nevaba, sentín que nesa escola había un espazo onde aprender, e moito me aprenderon eses rapaces e rapazas a min en tres días… Ata a próxima!

Roi Guitián